«Այս պատգամավորը մոտենում է ամբիոնին ու ասում, որ ինքը չի վախենում Ռոբերտ Քոչարյանից». Աննա Գրիգորյան

«Իշխանական պատգամավորներից մեկն այսօր մոտենում է ամբիոնին ու ասում, որ ինքը չի վախենում Ռ. Քոչարյանից: Ես ձեզ շնորհավորում եմ: Եվ դրան ի պատասխան՝ հնչում են ծափողջույններ՝ չվախենալու կապակցությամբ: Շատ լավ է»,- ԱԺ ամբիոնից հայտարարեց պատգամավոր Աննա Գրիգորյանը՝ արձագանքելով իմքայլական Վահագն Ալեքսանյանի ելույթին:

Հիշեցնենք՝ Վահագն Ալեքսանյանն ավելի վաղ հայտարարել էր հետևյալը: «Օրեր առաջ տիկին Գրիգորյանի մասնակցած դաշինքի առաջնորդ Ռ. Քոչարյանն այսպիսի հայտարարություն է արել, ասել է՝ այս խորհրդարանը վախենում է ինձնից: Տիկին Գրիգորյան, ձեր առաջնորդի ինչի՞ց պետք է վախենա այս խորհրդարանը՝ Իզմիրլյանից տրված խիստ սպեցիֆիկ տեղեկանքների՞ց, թե՞ ՀՀ պատմության մեջ բացառիկ տգիտությունից: Ձեր առաջնորդին կտանեք ինչ-որ մի թերապևտի մոտ վախի՝ հաղթահարման ու կուղարկեք Հանրայինում բանավեճի. Իզմիրլյանից ոչ մի տեղեկանք էս դեպքում չի օգնելու»: