«Քոչարյանը չունի և չի կարող ունենալ անշահախնդիր և ազնիվ երկրպագուներ». Նարեկ Սարգսյան

ՀԱԿ անդամ, ջութակահար Նարեկ Սարգսյանը ֆեյսբուքյան իր էջում գրել է. «Ռոբերտ Քոչարյանը չունի և չի կարող ունենալ անշահախնդիր և ազնիվ երկրպագուներ, դրա համար էլ ես չեմ հարգում Քոչարյանի երկրպագուներին, քանի որ անբարոյական են: Իրենք ուզում են, որ Ռոբերտ Քոչարյանը մեր հարազատին զուգարանում ծեծելով սպանի, իսկ համաձայն չեն, որ իրենց հարազատին էլ նույն բանը անեն: Եթե դուք Քոչարյանի երկրպագու եք, ո՞նց կարող եք ազնիվ լինել: Եթե դուք ասեք, որ դուք համաձայն եք, որ Քոչարյանի թիկնապահը ձեր հարազատին էլ զուգարանում ծեծելով սպանի և դա ձեզ համար խնդիր չէ՝ դա ուրիշ բան: Բայց առ այսօր ձեզնից ոչ մեկը այդպիսի բան չի հայտարարել: Ես չեմ ճանաչում ոչ մի Քոչարյանի երկրպագուի, որը համաձայն լինի, որ իր հարազատը ծեծելով սպանվի զուգարանում»: