Ֆրանսիայի ԱԳ նախարարի կոչը Բաքվին և Երևանին

Ֆրանսիայի արտգործնախարար Ժան-Իվ Լը Դրիանը Ռուսաստանի և Գերմանիայի գործընկերների հետ հեռախոսազրույցում քննարկել է Ուկրաինայում տիրող իրավիճակը և Բաքվի ու Երևանի միջև հարաբերությունները: Նախարարը Ռուսաստանին հորդորել է խուսափել քայլերից, որոնք կարող են հանգեցնել Ուկրաինայի հետ սահմանի երկայնքով լարվածության աճին:

Ֆրանսիան, Ռուսաստանի Դաշնության հետ սերտ համաձայնեցմամբ, նաև կշարունակի ջանքերը՝ ուղղված Բաքվի և Երևանի միջև լարվածության թուլացմանը: Ֆրանսիայի արտգործնախարարը Բաքվին և Երևանին կոչ է արել ցուցաբերել առավելագույն զսպվածություն իրենց հարաբերություններում: