Ուրբաթ, 29 մարտի, 2024 թ.
|
Ստեփանակերտում`   +15 °C

Սյունիքում գտնվելու ընթացքում դեսպան Թրեյսին չի հանդիպել Փաշինյանի կամ Սարգսյանի հետ․ ԱՄՆ դեսպանատան պարզաբանումը

Սյունիքում գտնվելու ընթացքում դեսպան Թրեյսին չի հանդիպել Փաշինյանի կամ Սարգսյանի հետ․ ԱՄՆ դեսպանատան պարզաբանումը
1638
Երեքշաբթի, 08 հունիսի, 2021 թ., 11:35

ՀՀ-ում Միացյալ Նահանգների դեսպանությունը պարզաբանում է տարածել. «Վերջին շաբաթների ընթացքում մի քանի պարբերականներում նկատել ենք հրապարակումներ՝ ապրիլին՝ դեսպան Լին Թրեյսիի Սյունիք կատարած այցի վերաբերյալ, որոնցում ներկայացվում են սխալ տեղեկություններ։ Դեսպանի՝ Սյունիք կատարած այցն այլ պաշտոնյաների այցերի հետ կապ չուներ, և Սյունիքում գտնվելու ընթացքում դեսպան Թրեյսին չի հանդիպել կամ խոսել վարչապետ Փաշինյանի կամ նախագահ Սարգսյանի հետ։

Ինչպես ավելի վաղ մենք հայտնել էինք, դեսպանը Սյունիքի մարզ էր մեկնել տեղի պաշտոնյաներից և ԱՄՆ դեսպանության ծրագրերի գործընկերներից անձամբ տեղեկանալու համավարակի և պատերազմի կրկնակի հարվածների հետևանքով ստեղծված իրավիճակի մասին։ Դեսպանը նաև հանդիպել էր ԱՄՆ կառավարության դրամաշնորհային ծրագրերի շահառուներին և քննարկել համագործակցության շարունակականությունը ապահովելու ուղիներն՝ ի աջակցություն Սյունիքի վերականգման ու զարգացման»: