«Մարդը խոսում է «շինելուց». արա՛, սաղ կյանքդ տվող ես եղել». Էդուարդ Շարմազանով

«Կապիտուլյանտը սրընթաց գահավիժում է, և դա այլևս որևէ կերպ չի կարելի կանգնեցնել: Արձանագրենք՝ նրա նյարդային, շատ դեպքերում՝ ոչ ադեկվատ, շատ դեպքերում՝ ոչ մարդկային հայտարարությունները և վարքագիծը խոսում են այն մասին, որ հենց Նիկոլը շատ լավ գիտակցում է, որ ինքը գահավիժում է»,- այսօր «Պատիվ ունեմ» դաշինքի հրավիրած մամուլի ասուլիսի ժամանակ, ասաց Էդուարդ Շարմազանովը:

«Գոռգոռալը, բռնությունը, դրանք թուլության նշան են: Ինձ հայտնի չի քաղաքականության մեջ, պատմության մեջ մի որևէ լուրջ քաղաքական գործիչ, որն առավոտից իրիկուն զբաղված է լաչառությամբ, շառ անելով, կամ ճղճղալով, էլ չեմ ասում՝ գործադիրի ղեկավարը: Դա խոսում է նրա անհավասարկշիռ, ճգնաժամային վիճակի մասին»,- նշեց Շարմազանովը:

Անդրադառնալով նախօրեին Նիկոլ Փաշինյանի կողմից արված հայտարարություններին, Շարմազանովն ասաց. «Մարդը խոսում է, շատ ներողություն, շինելուց. արա՛, սաղ կյանքդ տվող ես եղել, Ալիևին տվեցիք մեր հայրենիքի 75 տոկոսը. Շուշին, Հադրութը տվողը, 5000 զոհ տվողը խոսում ա շինելուց»,- ասաց նա՝ հավելելով. «Արցախն ազատագրած առյուծներին տղամարդկության չելենջ ա անում, արա՛, նապաստակը առյուծներին չի կարող չելենջ անել»: