«Եթե Տիրան Խաչատրյանը համարում է, որ Ազգային հերոսի կոչում տալու որոշումը ստորագրած մարդը ոչ մի բան չի հասկանում, ուրեմն պետք է հրաժարվի այդ կոչումից»․ Փաշինյան

«Երբ որ պատերազմի ժամանակ Օնիկ Գասպարյանն ինձ ասել է, որ պետք է Տիրան Խաչատրյանին տալ Ազգային հերոսի կոչում, որովհետև ինքն այնտեղ հիմա միջոցներ է ձեռնարկում, որ հակագրոհներ իրականացնի, և դա պետք է, որ քաջալերվի, ես չեմ էլ քննարկել․ ասել եմ՝ եթե այսօր ես էդ պիտի անեմ, որ ռազմի դաշտում հաջողություն ունենանք, քո ասածով ես էդ կանեմ»,-այսօր Աչաջուրում՝ նախընտրական քարոզարշավի ժամանակ, իր և ԶՈՒ ԳՇ նախկին պետ ՕՆիկ Գասպարյանի հարաբերություններից որոշ դրվագներ ներկայացնելիս, ասաց ՔՊ-ի թեկնածու Նիկոլ Փաշինյանը։

Փաշինյանը, շարունակելով միտքը, անդրադարձավ ԶՈՒ ԳՇ պետի նախկին տեղակալ Տիրան Խաչատրյանին։
«Էսօր Տիրան Խաչատրյանը վեր է կենում իմ հասցեին ամենավերջին բառերն է ասում․․․ Եթե Տիրան Խաչատրյանը համարում է, որ իրեն հերոսի կոչում տալու որոշումը ստարագրած մարդը ոչ մի բան չի հասկանում, ուրեմն ինքը պետք է հրաժարվի Ազգային հերոսի կոչումից։