«Նորից նույն սև-սպիտակ, Փաշինյան-Քոչարյան երկվության մեջ են ժողովրդին պահում». Վարուժան Ավետիսյան

Ազգային ժողովրդավարական բևեռի խորհրդի անդամ Վարուժան Ավետիսյանը «Ազատության» հետ զրույցում նշեց, որ ժողովրդի մի մեծ զանգված դեռևս կոմնորոշված չի: «Նորից նույն սև-սպիտակ, Փաշինյան-Քոչարյան երկվության մեջ են ժողովրդին պահում: 2 կողմն էլ ունի հսկայական ռեսուրսներ, և կարողանում են ժողովրդի միտքը արհեստականորեն պահել այս երկվության վրա: Դրանով նրանք կլանում են ուշադրության առյուծի բաժինը: Իրականում նրանք երկուսն էլ նախկին են:
Թեկնածուների մեծամասնությունը ծրագիր չի էլ ներկայացնում, մեծամասամբ Ռուսաստանի գովքն են անում: Չկա որևէ բան ասելու՝ Ռուսաստանի հետ կապված: Քանի մենք Ռուսաստանի կիսագաղութ ենք, մենք զարգացման որևէ հեռանկար չունենք, ընդհակառակը, կարող ենք պետականություն կորցնել: Մեր ուղերձը հենց մեր կարգախոսն է՝ ոչ նախկին, ոչ ներկա, ազգային ապագա»,- ասաց նա: