Փոխոստիկանապետը՝ Նիկոլ Փաշինյանին տասնյակ ոստիկանական ավտոմեքենաներով ուղեկցելու վերաբերյալ

Քարոզարշավների ժամանակ թեկնածուներից մեկին ուղեկցում են տասնյակ ոստիկանական մեքենաներ: Քաղաքական տարբեր շրջանակներ դա դիտարկում են վարչական ռեսուրսի օգտագործում, քանի որ պարզ է, թե որ ֆինանսական միջոցներից են այդ ծախսերը կատարվում: Փոխոստիկանապետ Արա Ֆիդանյանի մամուլի ասուլիսի ժամանակ հնչած այս դիտարկմանը, վերջինը պատասխանեց. «Խնդիրը կայանում է նրանում, որ ոստիկանությունը կատարում է իր ծառայությունը: Ձեր հարցը մեկ անձի հետ է կապված, բայց ասեմ, որ մենք ստացել ենք այլ ուժերից ևս նման դիմումներ և պատշած ձևով իրականացվել է և՛ ուղեկցումը, և իրականացումը»:

Ճշտող հարցին՝ այսինքն այդ քաղաքական ուժերին է՞լ են տասից ավելի մեքենաներ ուղեկցում, փոխստիկանապետը պատասխանեց. «Հարցը 10-ից ավելի մեքենաները չեն, մենք իրականացնում ենք գնահատում, և եթե առկա են որոշակի խնդիրներ հասարակական անվտանգության հետ կապված, ապա համպատասխան ուժերով իրականացվում է ծառայությունը, անվտանգության ապահովումը»: