«Այսինքս՝ Ամերիկան դա գալիս ա՝ ՆԱՏՕ-ի՝ որպես անդամ, նույն, ասենք թե՝ Թուրքիայի գործընկերը․ դա ճիշտ ա՞, թե՞ ոչ»․ Գագիկ Ծառուկյան

Ընտրություններին մասնակցող շատ քաղաքական ուժեր ասում են, որ Ռուսաստանը հենց Ադրբեջանի շահն է պահում, և պետք է նրան այստեղից հանել և Ֆրանսիան, Ամերիկան, ՆԱՏՕ-ն մեզ կօգնեն։ Ասում են՝ մեր անվտանգությունը նրա հետ ենք կապել և տեսաք՝ ինչ եղավ․ հարցազրուցավար Պետրոս Ղազարյանը Հ1-ի եթերում դիմելով «Բարգավաճ Հայաստան» կուսակցության առաջնորդ Գագիկ Ծառուկյանին՝ խնդրեց մեկնաբանել այս հարցը։

«Ով էդպես է մտածում, կարող եմ ես իրեն հուսախաբ անել․ այսինքն, եթե Ռուսաստանը դուրս է գալու, Թուրքիան է գալո՞ւ»,- հարցրեց Ծառուկյանը։ «Չէ՝ Ֆրանսիան, Ամերիկան․․․»,- հիշեցրեց Պ․ Ղազարյանը։

«Այսինքս՝ Ամերիկան դա գալիս ա՝ ՆԱՏՕ-ի՝ որպես անդամ, նույն, ասենք թե՝ Թուրքիայի գործընկերը, դա ճիշտ ա՞, թե՞ ոչ։ Մենք ո՞նց կարանք էսօր այդպիսի քայլ կատարենք։ Մենք ամեն ինչ պետք է անենք՝ Ռուսաստանը չգնա, ամեն ինչ ավելի ամրապնդվի։ Մենք թույլ չեն տա, որ Ռուսաստանը գնա, կամ Թուրքիան գա, կամ Թուրքիայի գործընկերները՝ ՆԱՏՕ-ի անդամները գան․․․ Ոնց ասեմ՝ մեր սեփականության մեջ մենք կարանք տնվոր լինենք»,- մեկնաբանեց Ծառուկյանը։