Հայաստանը նոր խորհրդարան է ընտրում

Հայաստանում այսօր Ազգային ժողովի արտահերթ ընտրություններ են: Ընտրություններին մասնակցում է 25 քաղաքական ուժ՝ 21 կուսակցություն և 4 դաշինք:

Նրանք են՝ «Արդար Հայաստան» կուսակցությունը, «Հայ Ազգային Կոնգրես» կուսակցությունը, «Քաղաքացիական պայմանագիր» կուսակցությունը, «Զարթոնք» ազգային քրիստոնեական կուսակցությունը, «Ազատություն» կուսակցությունը, «Պատիվ ունեմ» դաշինքը, «Միասնական Հայրենիք» կուսակցությունը, «Համահայկական ազգային պետականություն» (ՀԱՊ) կուսակցությունը, «Լուսավոր Հայաստան» կուսակցությունը, «Մեր տունը Հայաստանն է» կուսակցությունը, «Հանրապետություն» կուսակցությունը, «Հայոց Հայրենիք» կուսակցությունը, «Ազատ Հայրենիք» դաշինքը, «Բարգավաճ Հայաստան» կուսակցությունը, Հայաստանի դեմոկրատական կուսակցությունը, «5165 ազգային պահպանողական շարժում» կուսակցությունը, «Քաղաքացու որոշում սոցիալ դեմոկրատական» կուսակցությունը, «Շիրինյան- Բաբաջանյան ժողովրդավարների դաշինք» դաշինքը, «Ազգային օրակարգ» կուսակցությունը, «Վերելք» կուսակցությունը, «Ազատական» կուսակցությունը, «Հայաստանի Եվրոպական» կուսակցությունը, «Հայաստան» դաշինքը, «Ազգային-ժողովրդավարական բևեռ» կուսակցությունը, «Ինքնիշխան Հայաստան» կուսակցությունը:

Ըստ ներկայացված տվյալների՝ Հայաստանում ընտրելու իրավունք ունի 2 միլիոն 583 հազար 823 անձ։

Հանրապետության ողջ տարածքում 38 ընտրատարածքներում կգործի 2008 տեղամաս։

Ընտրողներն ընտրատեղամասում ստանալու են մասնակցող քաղաքական ուժերի թվին համապատասխան քվեաթերթիկներ, ընտրելու են դրանցից միայն մեկը, դնելու են ծրարի մեջ ու գցելու քվեատուփը: Ընտրողները քվեաթերթիկի վրա գրիչով որևէ նշում չեն կատարելու։