Արմեն Չարչյանը կալանավորվեց

Իզմիրլյան» բժշկական կենտրոնի ղեկավար Արմեն Չարչյանը կալանավորվեց մեկ ամիս ժամկետով։ Այս մասին րոպեներ առաջ հայտնեց Չարչյանի պաշտպան Էրիկ Ալեքսանյանը: Որոշումը կայացրել է Երևանի առաջին ատյանի ընդհանուր իրավասության դատարանի դատավոր Արմինե Մելիքսեթյանը։
Դատավորը բավարարեց գործով քննիչի՝ Չարչյանին կալանավորելու միջնորդությունը։

Հիշեցնենք, որ Արմեն Չարչյանը ձերբակալվել էր մի ձայնագրության հիմքով, որտեղ նա ԲԿ աշխատակիցներին հորդորում, խնդրում, պահանջում է մասնակցել ընտրություններին՝ նշելով, որ կարող է ստուգել նրանց մասնակցել-չմասնակցելու փաստը։