«Արցախում տեսա, թե ով էր դավաճանում». Սամսոն Գրիգորյան

«Կասեցում» շարժման ղեկավար, գործարար Սամսոն Գրիգորյանը գրել է. «Արցախում տեսա, թե ով էր դավաճանում, մարտը ղեկավարողներն ում էին պաշտում ու ենթարկվում։
30 տարի Երևանում ապրելով տեսա, թե ով ինչ էր անում բանակի, երկրի, տնտեսության հզորացման համար, ավելի ճիշտ, թե ով էր հակառակն անում։
Ընտրությունների օրը տեսա, թե ինչու որոշները քաղաքացուց ու գյուղացուց վառված մնացին։ Փառք Աստծուն շրջապատս մեծ է՝ մանրամասն գիտեմ, թե որ քուչի լավ տղուն ինչքան տվին, որ գյուղացուն ինչքան տվին, գիտեմ թե ոնց, քցվան՝ համ գյուղացու համ քուչի տղերքի կողմից։ Ասեմ ավելին, տեղյակ եմ նաև, որ ուժայիններն էլ այս ինֆոն ունեն։ Գիտեմ նաև որ ոչինչ կամ չեն կարողանալու անել, կամ չեն ցանկանալու։
Սա է..
Վերջին մի քանի տասնամյակում բերեցիք նրան, որ հայ ժողովրդի համար այլընտրանք է միայն Նիկոլը։ Նիկոլը չէ իմ պատկերացրած վարչապետը։ Նիկոլի թիմը չէ իմ երազած իշխանությունը, իհարկե մի քանիսը կան այդ թիմում, որոնք իսկապես հիացնում են իրենց ազնվությամբ և հայրենասիրությամբ, որոնք արժանի են խորին հարգանքիս։
Հուսով եմ, չէ հավատում եմ, որ հետագա հնգամյակում կձևավորվեն այս նորեկ ուժերը, որոնք կստեղծեն իսկապես հզոր, գիտակ, նվիրված թիմեր, որոնք կփոխեն և կլուսավորեն մեր ապագան։ Ամենակարևորը՝ կկայանան, ճանաչելի կդառնան, այլընտրանք կլինեն։
Ի տարբերություն շատերիդ, 5000 տղաների, Արցախի մի մասի կորստի և պատերազմը տանուլ տալու մեջ ես մեղադրում եմ Քառյակին։ Ամեն մեկի մեղքը մյուսինից ոչ մի գրամ պակաս չէ։ Թալանը ինքնասիրահարվածությունից պակաս չէ։ Ընտրակեղծիքով եկածի ու նշանակված տգետ թիմակցի մեջ տարբերություն չեմ տեսնում։
Հանցանքը կոծկողը կատարողի հետ մեկ է։
Չգիտեմ, երևի չարժե ասել, որ հուսով եմ, թե այս հինգ տարում կոորդինալ փոփոխություններ կլինեն։ Հուսով եմ միայն, որ այս հինգ տարուց հետո կունենանք էն իսկական, հայկական իշխանությունը։
ՀԳ. նախընտրական շրջանում ժողովրդի տարբեր որակումներին ատամներս կրճտացնելով էի դիմանում՝ սպասում էի, որ հենց այդ ժողովուրդը պատասխանը տա։
Տվեց....»: