«Հանցագործության մակարդակի հասնող ինքնախաբեություն». Բորիս Նավասարդյան

Երևանի մամուլի ակումբի նախագահ Բորիս Նավասարդյանը ֆեյսբուքյան իր էջում գրել է. «Գնալով ավելի շատ եմ ջղայնանում, երբ սկսում են վերլուծել, թե ինչու են տարբեր խոշոր խաղացողները շահագրգռված պաշտպանել Հայաստանի շահերը։ Այնպես են խոսում, կարծես, դա կարող է տեղի ունենալ, անկախ նրանից՝ մենք ինքներս ինչ ենք անելու։ Լավագույն դեպքում, շեշտվում է դրսի ուժերի նկատմամբ բարեկամություն, հավատարմության հավաստիացումների կարևորությունը։ Մի խոսքով, հայերիս սիրել և սիրելու են գեղեցիկ աչքերի համար... Հանցագործության մակարդակի հասնող ինքնախաբեություն է։ Արտաքին խաղացողները կարող են Հայաստանին օգտակար լինել, միայն եթե ինքներս ապացուցենք, որ անում ենք առավելագույնը մեզ փրկելու, նորից գործոն դառնալու համար՝ անկախ նրանից, ունենք այլոց աջակցությունը, թե ոչ։ Հակառակ դեպքում բոլորը փորձելու են լուծել իրենց խնդիրները՝ հաշվի չառնելով մեր երկրի գոյությունը»: