«Թույլ չենք տալու՝ մեր անցյալը սևացրած, մեր հաղթանակները վաճառած արկածախնդիրները մղձավանջ դարձնեն մեր ներկան»․ Ի․ Սաղաթելյան

«Մեր քաղաքական օրակարգը մնում է նույնը՝ Հայաստանում հաստատել ազգային պետականություն, լուծել անվտանգային խնդիրները, վերականգնել երկրի ինքնիշխանությունը, թույլ չենք տալու, որ մեր անցյալը սևացրած, մեր հաղթանակները վաճառած արկածախնդիրները մղձավանջային դարձնեն մեր ներկան և հավակնեն զրկել մեզ ապագայից»,- «Հայաստան» դաշինքի առաջին ընդհանուր ժողովի ժամանակ ասաց ՀՅԴ ԳՄ ներկայացուցիչ, «Հայաստան» դաշինքի անդամ Իշխան Սաղաթելյանը։

«Հրապարակված արդյունքները չարդարացրեցին ոչ միայն մեր քաղաքական թիմի, այլև Հայաստանի, Արցախի, Սփյուռքի մեր հայրենակիցների զգալի մասի սպասումները։ Ընտրությունների արդյունքները վիճարկելու ենք Սահմանադրական դատարանում»,- ասաց նա։

«Հանդես ենք գալու որպես արմատական ընդդիմություն։ Շարունակելու ենք պետականանության, մեր արժանապատվության համար պայքարը»,- հայտարարեց Ի․ Սաղաթելյանը։