«Ո՞ւր է գնում առգրավված թմրանյութը». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է․ «Հայաստանի տարածքով անցնում է նարկոթրաֆիկի ուղի. ՊԵԿ-ն Ագարակի անցակետում Թուրքիայի քաղաքացու բեռնատարում 97 կգ «հերոին» տեսակի թմրանյութ է հայտնաբերել, որի շուկայական գինը 10-11 միլիոն դոլար է։ Վերջերս ՊԵԿ-ը 365 կգ նույն տեսակի թմրանյութ էր հայտնաբերել։ Որևէ մեկը՝ ով զբաղվում է թմրանյութերի ապօրինի, տրանցիկ տեղափոխմամբ, առանց ճանապարհի անվտանգությունը ստուգելու, առանց ապահովության երաշխիքների, կուղարկի՞ 10-11 միլիոն դոլարի ապրանքը։ Թմրանյութերի տարանցիկ տեղափոխումը սկզբից կատարում են փոքր քանակով, հետո, համոզվելով, որ տվյալ ուղերթում գործը հաջողվում է, մեծ քանակություն են տեղափոխում։ Այլ երկրներում առգրավված թմրանյութը կշռում, հետո այրում են լրագրողների, տեսախցիկների ներկայությամբ։ Ես Հայաստանում նման բան չեմ հիշում, ո՞ւր է գնում առգրավված թմրանյութը»։