«Հերիք չի՝ վերադասը զինծառայողներին բերում է տեղամաս, մի հատ էլ ռազմական ոստիկանության ծառայողները հսկում են պրոցեսը»․ Վարդևանյան

«Երբ նախկինում խոսվում էր, որ մարդկանց մեքենաներով բերում են ընտրատեղամաս, բոլորն ասում էին, որ դա ընտրախախտում է»,- այսօր՝ ՍԴ նիստի ժամանակ ասաց «Հայաստան» դաշինքի ներկայացուցիչ Արամ Վարդևանյանը:

«Հիմա, պատկերացրեք, եթե մարդուն բերում է ընտրատեղամաս փաստացի իր հետ վերադասի իրավահարաբերության մեջ գտնվող անձ․․․ Հերիք չի նման անձը զինծառայողներին բերում է տեղամաս, մի հատ էլ ռազմական ոստիկանության ծառայողները հսկում են պրոցեսը»,- նկատեց Վարդևանյանը:

«Այս պայմաններում ինչպե՞ս կարող են քաղաքական գործընթացին մասնակցող ուժերը ապահովել վերահսկողություն, երբ ոչ մեկ չի տեղեկացնում որտեղ են քվեարկելու զինծառայողները: Դրա գաղտնիության հատուկ պահպանման ռեժիմի օրենսդրական նպատակը ո՞րն է եղել»,- նշեց նա:

Վարդևանյանըի խոսքով՝ զինծառայողների քվեարկության գործընթացը որևէ կերպ չի կարող համապատասխանել թե՛ Սահմանադրության 7-րդ, թե՛ 75-րդ հոդվածներին։