Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Պատիվ ունեմ»-ը ՍԴ-ում 9 թեզ ներկայացրեց նախընտարական փուլում եղած խախտումների մասին

«Պատիվ ունեմ»-ը ՍԴ-ում 9 թեզ ներկայացրեց նախընտարական փուլում եղած խախտումների մասին
168
Կիրակի, 11 հուլիսի, 2021 թ., 14:04

ՍԴ-ում արտահերթ խորհրդարանական ընտրությունների արդյունքները վիճարկող դիմումների քննության ժամանակ «Պատիվ ունեմ» դաշինքի ներկայացուցիչ Դավիթ Հարությունյանը 9 թեզ ներկայացրեց արտահերթ խորհրդարանական ընտրություններում խախտումների վերաբերյալ։

Որպես առաջին թեզ՝ Հարությունյանը նշեց ֆիզիկական ուժի կամ վարչական ներգործության կիրառման սպառնալիքը, հոգեբանական ահաբեկումն ու նվաստացումը, ազատ ընտրության սկզբունքի էության կոպիտ ոտնահարում,

երկրորդ թեզը՝ նախընտրական քարոզարշավի ընթացքում «Քաղաքացիական պայմանագիր» կուսակցության ցուցակի առաջին համար Նիկոլ Փաշինյանը, լինելով հանրային իշխանության ներկայացուցիչ, կոպտորեն ոտնահարել է ազատ ընտրության սկզբունքը, երրորդը՝ ՄԻՊ-ի հայտարարություններում արձանագրվածը հաստատում է ազատության իրավունքի խախտման փաստը, չորրորդը՝ օրինական ուժի մեջ մտած դատական ակտով հաստատվել է, որ Փաշինյանի խոսքը պարունակել է բռնության կիրառման սպառնալիքներ և որ այդ սպառնալիքները շարունակական բնույթ են կրել, հինգերորդը՝ Փաշինյանի կողմից հնչեցրած սպառնալիքները ոչ միայն ընկալվել են որպես իրական, այլ փաստացի իրական բնույթ են կրել, վեցերորդ՝ իրավապահ համակարգի գործողությունները և անգործությունը լրացուցիչ վնաս են հասցրել ազատ ընտրության իրավունքին, յոթերորդ՝ ազատ ընտրության իրավունքի խախտումները ունեցել են այնպիսի բնույթ, որ ակնհայտորեն առկա են ընտրությունները անվավեր ճանաչելու հիմքերը, ութերորդ՝ Հանրային հեռուստատեսության լուսաբանման խտրական պայմանները խախտել են հավասար ընտրության սկզբունքը, իններորդ՝ Փաշինյանը ապօրինաբար է զբաղեցրել վարչապետի ժամանակավոր պաշտոնակատարի պաշտոնը, ուստի վարչական ռեսուրսի օգտագործման այն մասը, որը օրենքով համարվում է օրինական, իրականում ապօրինի էր։

Դավիթ Հարությունյանը յուրաքանչյուր թեզի մասով ներկայացրեց իրենց հիմնավորումները և գնահատականները։