«Արցախի օկուպացիան արդեն թանկ է նստում ալիևյան կլանի համար». Վահե Դավթյան

«Մեկ Հայաստան» կուսակցության քաղխորհրդի անդամ Վահե Դավթյանի գրառումը. «Արցախի օկուպացիան արդեն շատ թանկ է նստում ալիևյան կլանի համար՝ ստեղծելով նաև խնդիրներ ներքաղաքական կայունության համար:
2021 թ. պետական բնյուջեում շուրջ 1,3 մլրդ դոլար հատկացնելով «Ղարաբաղի վերականգնմանը»՝ Բաքուն ստիպված է գնալ մի շարք խնդրահարույց ու սոցիալական դժգոհություն գեներացնող քայլերի: Դրանիցից է Ադրբեջանում հուլիսի 1-ից բնական գազի սակագների կտրուկ բարձրացումը: 1200 խմ-ից ավել սպառող բնակիչների համար (իսկ դա սպառողների մոտ 60%-ն է) սահմանվում է 12 ցենտ սակագինը՝ նախկինում գործող 6 ցենտի փոխարեն: Բարձրացել է սակագինը նաև էլեկտրաէներգիա արտադրող կայանների համար:
Գրում եմ սա բոլոր նրանց համար, ովքեր կուրորեն հավատում են, որ Արցախի հանձնումն ու հաստատված ստորացուցիչ խաղաղությունը թույլ կտան մոտ ապագայում Ադրբեջանից տնտեսական օգնություն ստանալ, էժան գազ, բենզին ու այլ ապրանքներ ներկրել»: