«Հրաժարականը տեղի է ունենում արտաքին հետաքրքիր ֆոնի վրա». Հակոբ Բադալյան

231

Չորեքշաբթի, 14 հուլիսի, 2021 թ., 18:18

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Ուկրաինայում ներքին գործերի նախարարի պաշտոոնից Արսեն Ավակովի հրաժարականն, անկասկած, լուրջ իրադարձություն է՝ հաշվի առնելով Ավակովի տնտեսա-քաղաքական տրամաչափն ու հիմնարար դերը 2013-ից սկսված, ըստ էության, նոր ժամանակաշրջանում:

Հրաժարականի հանգամանքը, սակայն ուշագրավ է ոչ միայն ներուկրիանական տրամաբանության մեջ: Ավելին, խոսքն էս դեպքում թերևս ավելի մասշտաբային ծավալումների մասին է: Համենայն դեպս, հրաժարականը տեղի է ունենում արտաքին հետաքրքիր ֆոնի վրա, իրադարձությունների շղթայում:

Տեղի է ունենում Զելենսկու այց Գերմանիա՝ հեռացող Մերկելի երկիր: Հրապարակվում է Պուտինի՝ մեծ ասուլիսում խոստացված Ուկրաինայի մասին հոդվածի հրապարակումը:

Տեղի է ունենում Բելառուսի նախագահ Լուկաշենկոյի անսպասելի այց Սանկտ-Պետերբուրգ և հինգ ժամ քննարկում Պուտինի հետ: ԱՄՆ պետքարտուղարի տեղակալի օգնական Քենթը հանդիպում է Արսեն Ավակովի հետ: Հաջորդ օրը հայտարարվում է Ավակովի հրաժարականի մասին:

Գուցե ավելորդ չէ հիշատակել, որ նույն օրը Հայաստան է զանգահարում ԱՄՆ պետքարտուղար Բլինքենը, իսկ Հայաստանում էլ Նիկոլ Փաշինյանն անցկացնում է անվտանգության խորհրդի նիստ»: