«Արդյո՞ք բոլոր պատգամավորներն են այցելում մարզեր». Բագրատյանը՝ պատգամավորների ամսական հատկացումներն ավելացնելու մասին

ԱԺ պատգամավոր Սերգեյ Բագրատյանը, անդրադառնալով իմքայլականների՝ պատգամավորների ամսական ծախսերը 50.000 դրամից 250.000 դրամ դարձնելու նախագծին, կիսեց Սոֆյա Հովսեփյանի մտահոգությունը և հավելեց. «Արդյո՞ք բոլոր պատգամավորներն են այցելում մարզեր ու արդյո՞ք ճիշտ է, որ բոլորը ստանան դա: Իհարկե, կիսում եմ մոտեցումը, բայց կարող ենք կարգավորել հարցը: Օրինակ, երբ այցելում ենք համայնք, համայքնի ղեկավարը տեղեկանք ստորագրի, որ տվյալ պատգամավորը մարզում ներկա է եղել ու մասնակցել հանդիպումների, քննարկումների»: