Գերմանիայում ջրհեղեղի հետևանքով 7 մարդ է մահացել, ավելի քան 50-ը՝ անհետ կորել

941

Հինգշաբթի, 15 հուլիսի, 2021 թ., 14:12

Գերմանիայում հորդառատ անձրևների և ջրհեղեղի հետևանքով առնվազն 7 մարդ է մահացել, մոտ 50-60-ն անհետ կորել է։ Այս մասին հայտնում է Hamburger Morgenpost-ը:

Տեղատարափ անձրևները երկրում սկսվել են հուլիսի 12-ին: Տարերքի հիմնական հարվածը հասցվել է Գերմանիայի արևմտյան և հարավ-արեւմտյան շրջաններին:

Այսպես, Ռեյնլանդ-Պֆալցում՝ Արվայլեր շրջանում, նախնական տվյալներով, զոհվել է 4 մարդ, Շուլդ կոմունայի Ադենաու քաղաքի մերձակայքում տարերքն ավերել է 6 տուն, 50-60 մարդ անհետ կորել է, նշել են տեղի ոստիկանությունում: Ոստիկանությունը դեռ պարզում է անհայտ կորածների ճշգրիտ թիվը։ Պարբերականը չի մանրամասնում, թե որ շրջաններում են զոհվել մնացած 3 հոգին։