Ուրբաթ, 29 մարտի, 2024 թ.
|
Ստեփանակերտում`   +16 °C

Գերմանիայում ջրհեղեղի զոհերի թիվը հասել է 80-ի

Գերմանիայում ջրհեղեղի զոհերի թիվը հասել է 80-ի
753
Ուրբաթ, 16 հուլիսի, 2021 թ., 10:30

Գերմանիայի արևմուտքում ավերիչ ջրհեղեղի հետևանքով զոհերի թիվը հասել է 80-ի։ Այս մասին հայտնել է Bild թերթը՝ հղում անելով Կոբլենցի ոստիկանությանը։
Հյուսիսային Հռենոս-Վեսթֆալիա դաշնային հողում մահացել է առնվազն 30 մարդ, Ռեյնլանդ-Պֆալցում՝ 50:
«Մենք մտավախություն ունենք, որ զոհերի թիվը կավելանա»,- նշել են իրավապահ մարմինները:
N-tv հեռուստաալիքի տվյալներով, զոհերի թիվն արդեն հասել է 81-ի։
Հիշեցնենք՝ Գերմանիայում հորդառատ անձրևները շարունակվում են հուլիսի 11-ից: Տեղատարափ անձրևները ջրհեղեղի պատճառ են դարձել։
Տարերքը հիմնական հարվածը հասցրել է Գերմանիայի արևմտյան և հարավ-արևմտյան շրջաններին, որտեղ գետերը դուրս են եկել ափերից և հեղեղել փողոցները:
Մոտ 1300 մարդ համարվում է անհետ կորած։