«Տղամա՛րդ եղեք». Շարմազանով

205

Շաբաթ, 17 հուլիսի, 2021 թ., 10:24

ՀՀԿ խոսնակ Էդուարդ Շարմազանովի գրառումը. «Տղամարդ եղեք, անցողիկ է ամեն բան։ Մեր քաղաքական համակարգի ամենամեծ խնդիրներից են անսկզբունքային, «ով էշ՝ նա փալան», անհայրենիք, նյութապաշտ ու «խաղեր» տվող «գործիչները»։ Դրանց նմաններին «պոլի շորի» նման օգտագործում են ու դեն նետում։ Նրանք եղել են նախկինում, նրանք շատացել են այսօր ու դժբախտաբար կբազմանան նաև վաղը։ Սրանց նմանները ոչ հայրենիք ունեն ու ոչ էլ արժեքներ։ Սրանց համար կարևորը «շեֆերին» մոտ լինելն է, անկախ նրանից ո՞վ է նա ու ի՞նչ հաճախականությամբ է փոխվում։ Ես դեմ եմ կույր առաջնորդապաշտությանն ու կուսակցամոլությանը, բայց հազարապատիկ մերժում եմ շողոքորթությունն ու մորթապաշտությունը։ Ինձ խիստ քննադատող, բայց սկզբունք ունեցող մարդկանց հանգիստ ընկալում եմ, բայց կուլիսային առևտուր անող, կշեռքի ծանր կողմը միշտ թեքվող ու անցած ճանապարհը «30 արծաթով» ուրացողներին՝ երբեք։

Տղամարդ եղեք, ամեն ինչ անցողիկ է»:

Աղբյուրը` Էդուարդ Շարմազանով