«Կա՛մ մեզ մորթելու են «Արևմտյան Զանգեզուրում», կա՛մ մենք կրկին ազատագրելու ենք «Արևելյան Զանգեզուրը»». Վարդան Ոսկանյան

Իրանագետ Վարդան Ոսկանյանը ֆեյսբուքյան իր էջում գրել է. «Որքան էլ պարադոքսալ թվա, բայց Բաքվի բռնապետի «Արևելյան Զանգեզուրը» այդքան էլ սարսափելի չէ, որքան, որ կարող է թվալ առաջին հայացքից։
Խնդիրն այն է, որ նա, ըստ էության, վիճակ է նետել մեզ․ այո՛, «երկու Զանգեզուրները» վաղ թե ուշ միանալու են, խնդիրն այն է, թե ո՞ւմ գերիշխանության ներքո՝ հայկակա՞ն, թե՞ ադրբեջանական։
Եվ այսպես, վիճակը նետված է, պատկերավոր ասած՝ ժամացույցը միացված, և «Զանգեզուրներին» տիրանալու է այս երկուսից այն ազգը, որն ավելի տոկուն է, ավելի մարտունակ, ավելի խելացի և նպատակաուղղված։
Ընդ որում, մենք, եթե կուզեք, ունենք առավելություն՝ նահանջելով «փրկվելու» համար նույնիսկ չնչին աշխարհագրական խորության բացակայությունը, ուստի կա՛մ մեզ մորթելու են «Արևմտյան Զանգեզուրում», կա՛մ մենք կրկին ազատագրելու ենք «Արևելյան Զանգեզուրը»»: