Չինաստանում տեղատարափ անձրևների պատճառով 12 մարդ է մահացել

190

Չորեքշաբթի, 21 հուլիսի, 2021 թ., 10:42

Չինաստանի Հենան նահանգի Չժանչժոու քաղաքում ջրհեղեղի հետևանքով առնվազն 12 մարդ է մահացել, հայտնել է CGTN հեռուստաալիքը:
Տարերային աղետի են հանգեցրել հորդառատ անձրևները։
Նահանգի 200 000 բնակիչ տարհանվել է, ավելի քան 6 000 զինվորական ու հրշեջ ծառայության աշխատակիցներ մասնակցում են փրկարարական գործողություններին:
Չժանչժոուի օդանավակայանը չեղյալ է հայտարարել չվերթների ընդունումը մինչև չորեքշաբթի:
Քաղաքում հեղեղվել է մետրոն, սակայն, ԶԼՄ-ների տեղեկություններով, փրկարարներին հաջողվել է այնտեղից դուրս բերել արգելափակված ուղևորներին: