Բելգիայում ջրհեղեղից վնասը գերազանցում է 10 մլրդ եվրոն

1415

Հինգշաբթի, 22 հուլիսի, 2021 թ., 15:23

Բելգիայում հեղեղումների հասցրած վնասը գերազանցում է 10 միլիարդ եվրոն: Այս մասին հայտնել է RTL-TVI հեռուստաալիքը։

Շաբաթվա սկզբին Վալոնիայի կառավարությունը հայտարարել էր տարածաշրջանում 2 միլիարդ եվրո ծավալով վերականգնման աջակցության արտակարգ պլան ստեղծելու մասին։ Տարածաշրջանի կառավարությունն ակնկալում է լրացուցիչ օգնություն ստանալ նաև Եվրոմիության կողմից:

Պաշտոնական տվյալների համաձայն՝ Բելգիայում ջրհեղեղի հետևանքով զոհվել է 32 մարդ, 18-ը դեռևս անհայտ կորած է համարվում: Ավերվել և վնասվել է ավելի քան 10 000 տուն, մինչ այս պահը մոտ 1,5 հազար տուն մնում է առանց ջրամատակարարման, 10,5 հազար տուն՝ առանց էլեկտրականության և 10 հազարն՝ առանց գազամատակարարման: