Թուրքիայի հարավում անտառային հրդեհների հետևանքով զոհերի թիվն աճում է

Անտառային հրդեհները 4 մարդու կյանք են խլել, ասել է Թուրքիայի գյուղատնտեսության և անտառային տնտեսության նախարար Բեքիր Փաքդեմիրլին, փոխանցում է РИА Новости-ն։

Ավելի վաղ հաղորդվել էր 3 զոհվածի և ավելի քան 180 տուժածի մասին:

Հրդեհներ են բռնկվել Ադանայում, Անթալիայում, Քայսերիում, Քյութահիայում, Մերսինում, Մուղլայում, Օսմանիեում: Մարման աշխատանքներին մասնակցել է 3 ինքնաթիռ, 38 ուղղաթիռ, 680 հրշեջ մեքենա և մոտ 4 000 մարդ:

Այս շաբաթ Թուրքիայի 13 շրջանում 41 անտառային հրդեհ է բռնկվել: