«Այս իշխանությունները փորձում են հաճոյանալ այլ գերտերությունների շահերին». Արթուր Վանեցյան

«Կարող ենք եզրակացություներ անել, որ այս իշխանությունները ոչ թե անկախ, ինքնիշխան Հայաստանի շահն են առաջ մղում, այլ փորձում են հաճոյանալ այլ երկրների, գերտերությունների շահերին: Կարծում եմ՝ պատճառներից մեկը դա է: Կա և այլ պատճառ, որ այս իշխանությունները չունեն նորմալ կադրային ռեզերվ և չեն կարողանում ընտրել այդ կարևորագույն պաշտոնի համար նախարարի թեկնածու»,- լրագրողի հարցին, թե, ըստ նրա, ի՞նչն է պատճառը, որ մինչ օրս ԱԳ նախարար նշանակված չէ, ճեպազրույցի ժամանակ կարծիք հայտնեց «Պատիվ ունեմ» խմբակցության ղեկավար Արթուր Վանեցյանը:

Դիտարկմանը՝ հնարավոր է, որ իշխանության թեկնածուն հավանության չի արժանանում, օրինակ, Ռուսաստանի կողմից, Վանեցյանը պատասխանեց. «Ես որևէ բան չեմ կարող բացառել, պետք է հետևել իրադարձությունների զարգացմանը, որից հետո կանենք եզրակացություներ»: