«Ալեն Սիմոնյանի ծառայության տարիներին սոված և անջուր մնալու մեղավորը Գագիկ Մելքոնյանն է»․ Ա․ Մանուկյան

«Պարո՛ն Սիմոնյան, Ձեր հետևում նստած Ալեն Սիմոնյանը հայտարարում էր, որ 2000-2002թթ-ին, իր ծառայության ընթացում, հացի և ջրի կարիք է ունեցել, փաստորեն սոված և ծարավ է եղել: Ձեր քաղաքական առաջնորդն էլ հայտարարում էր, որ մինչև ձեր իշխանության գալը բանակում անգամ ներքնաշորի խնդիր է եղել. արդյոք այս հարցերը բարձրացրե՞լ եք հանձնաժողովում, արդյոք հետաքրքրվե՞լ եք, թե ինչպես է ստացվել, որ Ալեն Սիմոնյանի ծառայության տարիներին պաշտպանության փոխնախարար, թիկունքի պետ, հետևաբար նաև՝ բանակին հացով, ջրով, ներքնաշորով ապահովող անմիջական պատասխանատու Գագիկ Մելքոնյանը հայտնվել ձեր ցուցակում, դառել պատգամավոր»,- Աժ նիստի ընթացքում՝ դիմելով Պաշտպանության և անվտանգության հարցերի մշտական հանձնաժողովի նախագահի թեկնածու Անդրանիկ Քոչարյանին, հարցրեց «Հայաստան» խմբակցության պատգամավոր Արեգնազ Մանուկյանը:

«Արդյոք այս հարցերը հղե՞լ եք ձեր քաղաքական առաջնորդին, ի՞նչ պատասխաններ եք ստացել, որովհետև, եթե Ալեն Սիմոնյանն իր ծառայության տարիներին սոված և անջուր է մնացել, ապա ստացում է, որ դրա անմիջական մեղավորը Գագիկ Մելքոնյանն է»,- նկատեց Մանուկյանը: