«Չեմ զարմանա, որ ասեն՝ Տիգրան Մեծն էր մեղավոր. սխալ կնոջ հետ ամուսնացավ և դրանից եղան մեր բոլոր ձախողումները». Արթուր Խաչատրյան

«Հայաստան» խմբակցության պատգամավոր Արթուր Խաչատրյանն այսօր, լրագրողների հետ զրույցում, անդրադարձավ «Քաղաքացիական պայմանագիր» կուսակցության պատգամավորների ԱԺ հայտարարություններին:

«Չեմ զարմանա, որ ասեն՝ Տիգրան Մեծն էր մեղավոր, որովհետև սխալ կնոջ հետ ամուսնացավ, և ծոռնուհին՝ Էռատո անունով, շատ անհաջող տիպ ստացվեց, և դրանից եղան մեր բոլոր ձախողումները: Ո՛չ, Արցախի 75 տոկոսը մենք կորցրեցինք 2020 թվականի նոյեմբերի 9-ի խայտառակ կապիտուլյացիոն փաստաթղթի արդյունքում, դա ֆորմալացվեց»,- ասաց պատգամավորը՝ նշելով, որ իրականում Արցախի մեր կորուստները սկսվեցին 2018 թվականի երկրորդ կեսից, երբ իշխանություններն սկսեցին վարել անհեռատես քաղաքականություն: