Արմեն Գևորգյանը՝ իրեն բերման ենթարկելու դատարանի որոշման մասին

«Դատարանը նախապես տեղեկացված է եղել, քանի որ առավոտյան մենք փաստաբանի հետ խոսել ենք, ով մեր խմբակցությունից գրություն է վերցրել ուղղված դատարանին, որ ԱԺ նիստերը շարունակվում են, և խմբակցությունը որոշում ունի հանձնաժողովների հետ կապված: Ես նման պրակտիկա ձևավորելու ցանկություն չունեմ, այսինքն՝ պարտադիր չէ ինձ բերման ենթարկել»,- անդրադառնալով Երևան քաղաքի ընդհանուր իրավասության դատարանի կայացրած՝ իրեն բերման ենթարկելու որոշմանը, լրագրողների հետ զրույցում, ասել է «Հայաստան» խմբակցության պատգամավոր Արմեն Գևորգյանը: