«Ես չեմ իմացել, որ Ռոբերտ Աբաջյանի պապը ներկայացող մարդն ինքնակոչ է»․ Է․ Աղաջանյան

Այսօր, ԱԺ նիստում «Պատիվ ունեմ» խմբակցության պատգամավոր Աննա Մկրտչյանը անդրադարձավ հեղափոխության օրերին Ռոբերտ Աբաջյանի պապիկ ներկայացող անձին Հանրապետության հրապարակում Էդուարդ Աղաջանյանի կողմից հարթակ տրամադրելու հանգամանքին։
«Ես էդ հարցին երբևէ առիթ չեմ ունեցել անդրադառնալ, որը շահարկվում է, թե իբր դա արվել է, որ հավելյալ հանրային աջակցություն ստանանք և այլն»,- ավելի ուշ անդրադառնալով Աննա Մկրտչյանի դիտարկմանը, ասաց ՔՊ-ական, «Արտաքին հարաբերությունների մշտական հանձնաժողովի նախագահի թեկնածու Էդուարդ Աղաջանյանը։
«Արձանագրենք, որ արդեն իսկ հեղափոխությունը տեղի է ունեցած եղել, երբ էդ նկարը հայտնվել է իմ ձեռքում, և երկրորդ՝ ես, բնականաբար, չեմ իմացել, որ այդ Ռոբերտ Աբաջյանի պապը ներկայացող մարդը ինքնակոչ է ․․․Մենք, այո՛, հավատացել ենք, որ ինքը հանդիսանում է Ռոբերտ Աբաջյանի պապը։ Նա ի հայտ եկավ՝ ներկայալով Ռոբերտ Աբաջյանի պապ»,- հավելեց Աղաջանյանը։