«Իրարամերժ տեղեկություններ են գալիս սահմանային իրավիճակից». «Հայաստան» խմբակցությունն առաջարկում է քննարկում կազմակերպել

«Ելնելով ՀՀ շուրջ ստեղծված լարված իրավիճակից, «Հայաստան» դաշինքն առաջարկում է փակ, գաղտնի, բաց, ինչպես որ կորոշեք դուք, քննարկում կազամակերպել համապատասխան անձանց կողմից՝ հաշվի առնելով այն, որ իրարամերժ տեղեկություններ են գալիս սահմանային իրավիճակից. առաջարկում ենք՝ քննարկում կազմակերպել՝ իմանանք իրավիճակը, և մեր հասարակության, մեր ժողովրդի մտահոգությունները փարատենք»,- ԱԺ արտահերթ նիստի ժամանակ, վարման կարգով հայտարարարեց «Հայաստան» խմբակցության պատգամավոր Սեյրան Օհանյանը:

Անդրանիկ Թևանյան էլ նշեց, որ հարցը, որն այսօր պետք է քնարկեն, թեպետ կարևոր է, բայց շատ ավելի անվտանգային հարցեր կան:

Հիշեցնենք՝ խորհրդարանը քննարկում է «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը: