«Ընդդիմությո՛ւն, ձեր պայքարն ավարտվե՞ց, դուք միայն ճառ ասո՞ղ եք, թե՞ նաև զանգ կախող». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Ձերբակալել են Գորիսի քաղաքապետի 2 տեղակալներին։ Աջ կողմում փոխքաղաքապետ Իրինա Յոլյանն է։ Քաղաքապետի տեղակալ Մենուա Հովսեփյանին կռացրած են տանում, կարծես աշխարհի ամենավտանգավոր հանցագործներից է, կամ՝ մոլեգար մարդասպան։ 2019թ․ Իրինան տեսանյութ էր հրապարակել, թե ինչպես գորիսցիները ճոճվող, կախովի կամրջի վրա զուռնա-դհոլով, պարելով էին դիմավորել Նիկոլ Փաշինյանին և նրա շքախմբին: Ես այն ժամանակ Իրինայի հրապարակած տեսանյութի տակ գրեցի, որ գորիսցիներն առաջ Լիսկային էին խոնարհվում, հիմա՝ Նիկոլ Փաշինյանին։ Այժմ կալանավորված են Գորիսի, Սիսիանի, Քաջարանի, Մեղրիի քաղաքապետերը, նրանց ընտրած սյունեցիներ, ինչո՞ւ չեք պաշտպանում ձեր ընտրյալներին, ինչո՞ւ ճանապարհ չեք փակում, չե՞ք հասկանում, որ Նիկոլ Փաշինյանի հաջորդ քայլը Սյունիքով միջանցք տալն է Ադրբեջանին։
Ընդդիմություն, մտաք խորհրդարան, ձեր պայքարն ավարտվե՞ց, դուք միայն ճառ ասո՞ղ եք, թե՞ նաև զանգ կախող»։