«Դեմարկացիա-դելիմիտացիան նախադեպ է ստեղծում նաև Թուրքիայի սահմանի ճանաչման համար». Արա Պապյան

«Ադրբեջանի նման քաղաքականության բուն պատճառը Հայաստանի դե ֆակտո պարտությունը դե յուրե ամրագրումն է։ Այսինքն՝ այն, ինչ Նիկոլ Փաշինյանը և Ալիևը կոչում են «Խաղաղության պայմանագիր», դրա ստորագրումն է։ Իհարկե, խաղաղություն բառը շատ գրավիչ է թվում, բայց, ըստ էության դա մեր պարտության վերջնական ամրագրումն է»,- «Ֆակտոր»-ի եթերում ասել է քաղաքագետ Արա Պապյանը:

Նրա խոսքով՝ սահմանազատման և սահմանանշման իրականացումը ոչինչ չի տալու, բացի այն բանից, որ Ադրբեջանի հետ սահմանի ամրագրումը և Արցախից հրաժարումը դառնում է նաև իրավական իրողություն. «Բացի այդ՝ դա նախադեպ է ստեղծում նաև Թուրքիայի սահմանի ճանաչման համար, որ նշանակում է հայոց 100-ամյա պահանջատիրությունը և բոլոր այն իրավունքները, որոնց համար հարյուր տարի հայ ժողովուրդը պայքարում է, ի չիք են դառնում»,- ասել է նա:

Մանրամասները՝ տեսանյութում: