«Խորհրդարանի անցուդարձը փաստեց, որ կանգնած ենք անհայրենիք դառնալու վտանգի առջև»․ Արմեն Դանիելյան

ՀՀ գլխավոր դատախազի նախկին տեղակալ Արմեն Դանիելյանը ֆեյսբուքյան իր էջում գրել է. «Քաղաքականությունը պետական գործունեության ամենաանշնորհակալ և դաժան տեսակն է... երբեմն (որովհետև մեծամասամբ այդպես չէ) նման գործունեությամբ զբաղվողներն ստիպված առերեսվում են ճշմարտության հետ և պարտավոր են պատասխանել մի շարք հիմնարար հարցերի...
Այսօր մեր երկրում այնպիսի խառնաշփոթ իրավիճակ է, որ ուղղակիորեն հարց է ծագում՝ ցանկանո՞ւմ ենք ունենալ պետություն, թե՞ ոչ։ Կարծում էի (սխալմամբ), որ արտահերթ ընտրությունները կտան նաև այդ հարցի պատասխանը... սակայն խորհրդարանի անցուդարձը փաստեց, որ մենք կանգնած ենք անհայրենիք դառնալու վտանգի առջև... էլ ավելի ցավալի է, որ շատերի համար որևէ նշանակություն չունի, թե մենք մեր անհայրենիք կյանքն ապրելու ենք ռուսի, ամերիկացու թե թուրքի իշխանության պայմաններում։
Ու ոնց ենք այս գիտակցմամբ ապրում»։