Որտեղի՞ց է ծագել կորոնավիրուսը. ԱՄՆ հետախուզության վարկածը

Ամերիկյան հատուկ ծառայությունները կորոնավիրուսի ծագման վերաբերյալ միանշանակ եզրահանգման չեն եկել: Նրանք չեն հաստատել, բայց և չեն հերքել ո՛չ կենդանուց մարդուն փոխանցման ընթացքում մուտացիայի, ո՛չ էլ՝ Չինաստանի լաբորատորիայից վիրուսի արտահոսքի մասին ավելի սկանդալային վարկածը: Այն մասին, որ զեկույցը ներկայացվել է ԱՄՆ նախագահ Ջո Բայդենին, բայց չի տալիս վիրուսի ծագման վերաբերյալ հարցին որևէ պատասխան գրում են Washington Pos-ը, New York Times-ն ու Wall Street Journal-ը: Հիշեցնենք, որ մայիսին նախագահ Բայդենը հանձնարարել էր հետախուզական ծառայություններին ստուգել բոլոր վարկածներն ու ներկայացնել դրանք 90 օրվա ընթացքում: Նախօրեին հետախույզները նախագահին են ներկայացրել գաղտնի զեկույցը, սակայն նրանք չեն եկել ընդհանուր հայտարարի՝ այս կամ այն ​​տարբերակի շուրջ: