«Ընդդիմության գերխնդիրը ձեզ չթողնելն ա, որ աշխատեք». Քրիստինե Վարդանյանը՝ ՔՊ-ին

«Մինչև 2018-ը մենք էդ շռայլությունն ունեինք տարբեր հարցեր քննարկելու, հիմա մենակ մի բան ունենք քննարկելու՝ անվտանգության հարցը, որը դուք չեք կարողանա լուծել: Ինձնից լավ գիտեք դա»,- ԱԺ-ում ելույթի ժամանակ ասաց «Հայաստան» դաշինքի պատգամավոր Քրիստինե Վարդանյանը:

«Ասում եք՝ հաղթանակ, հաղթանակ, մենք հաղթել ենք: Շատ երկար կարելի է խոսել սրա մասին՝ հաստա՞տ հաղթել եք. 3 տարում մսխել եք, 70 քանի տոկոսից եկել, հասել եք էնքանին, ինչը որ ունեցել եք: Էն քաղաքական ուժերը, որոնց դուք թաղել եք, ասել եք՝ պատմության աղբանոցում են, այսօր 2-րդ ուժն են ԱԺ-ում: Է՞դ ա Ձեր հաղթանակը, լո՞ւրջ եք ասում»,- դիմելով ՔՊ գործընկերներին՝ ասաց նա:

Նրա խոսքով՝ որոշ ժամանակ իշխանությանը թողել են, որ աշխատեն, «արդյունքն ակնհայտ է», դրա համար, ինչպես նշում է ընդդիմադիր պատգամավորը՝ այժմ չեն թողնելու որ իշխանությունն աշխատի. «Մենք մի պահ թողեցինք ձեզ, որ աշխատեք, տեսանք՝ ինչ եղավ, ուրեմն ընդդիմության գերխնդիրը ձեզ չթողնել աշխատելն ա»,- ասաց նա: