«Գաղտնիք են պահում այն, ինչից ավելի լավ է տեղյակ թուրքական հետախուզությունը». Վովա Վարդանով

«Ողջ մնալու արվեստը» կազմակերպության ղեկավար Վովա Վարդանովը «Ֆակտոր»-ի եթերում խոսել է Հայաստանում մեկնարկող պահեստազորի եռամսյա հավաքների մասին. «Այստեղ կա մի առավելություն, որ դու ստանում ես օրինական ճանապարհով մարդուն դիրքեր հանելու հնարավորություն, և եթե բանակում մարդկային ռեսուրսների պակաս կա, շեշտում եմ՝ եթե պակաս կա, լրացնել։ Բայց մենք այդ խնդիրը ունե՞նք։ Ես չգիտեմ։ Թող մարդկանց հետ ուղիղ խոսեն։ Թե՞ իրենց թվում է՝ Ադրբեջանի հետախուզությունը տեղյակ չէ՝ այդ պակասը կա, թե չկա։ Գաղտնիք են պահում այն, ինչից ավելի լավ են տեղյակ թուրքական հետախուզությունն էլ, մնացածն էլ, քան՝ քո սպաները։ Դրա ի՞նչն է գաղտնիք։ Ձևեր թափելը պետք չէ։ Ունե՞նք մարդկանց պակաս, կամավորներին չես կարո՞ւմ հավաքես, հայտարարում ես, որ էս-էս-էս պատճառներով եռամսյա հավաքներ եմ անում կամ միամսյա հավաքներ եմ անում․ 15 օր սովորեցնելու եմ, 15 օր՝ տանեմ հերթապահության։ Օրենքի ուժը կիրառիր, բայց ժողովրդիդ հետ ազնիվ եղիր»,- ասել է նա:

Մանրամասները՝ տեսանյութում: