«Չեմ զարմանում, որ ռևանշիստները կարող են համագործակցության առաջարկություն անել Արծրուն Հովհաննիսյանին». Լ. Եղիազարյան

«Հանրապետություն» կուսակցության անդամ Լյովա Եղիազարյանը ֆեյսբուքյան իր էջում գրել է. «Ես չեմ զարմանում, որ ռևանշիստների հանցավոր ղեկավարությունը կարող էր համագործակցության առաջարկություն անել Արծրուն Հովհաննիսյանին։ Դա իրենց ձեռագիրն էր։ Երբ իշխանություն էին, ինձ ու իմ ընկերներին առաջարկել են դուրս գալ կուսակցությունից, քննադատել Արամ Սարգսյանին ու ընդդիմությանը և կարող էինք մեր ուզած ձևով, առանց դժվարությունների աշխատել։
Իհարկե, մենք չգնացինք այդ քայլին, բայց գիտեմ մարդկանց, ովքեր դավաճանեցին իրենց սկզբունքներին ու լծվեցին հանցագործների կառքին։
Վազգեն Մանուկյան, Դավիթ Շահնազարյան, Հրանտ Բագրատյան, կաթողիկոսներ, ակադեմիկոսներ, իրավաբաններ, զինվորականներ և այլն, մեր աչքի առաջ չդիմացան գայթակղությանը և համալրեցին հանցագործներին սատարողների շարքերը»: