«Արտաքին աջակցությունը կարող է գալ միայն Արևմուտքից». Արա Պապյան

ԱԺԲ անդամ, դիվանագետ Արա Պապյանը ֆեյսբուքյան իր էջում գրել է. «Տարօրինակ ժողովուրդ է հայ ժողովուրդը: Մեծ մասը համոզված է, որ նոր պատերազմն անխուսափելի է: Եվ դա դառը ճշմարտություն է: Այդ մեծ մասի մեծ մասն էլ համոզված է, որ Ռուսաստանը մեզ չի պաշտպանելու Թուրքիայի և Ադրբեջանի դեմ, ինչպես եղել է բազմիցս՝ չի ուզելու, թե չի կարողանալու՝ դա արդեն էական չէ: Նաև վստահ է, որ Հայաստանը միայնակ չի կարող դիմակայել ոչ միայն երկու թշնամի հարևաններին, այլև նրանցից մեկին: Համոզված է, որ մեզ արտաքին աջակցություն է պետք՝ ոտքի կանգնելու, հզորանալու և երկիրն ու բանակը վերակազմավորելու համար: Այդ արտաքին աջակցությունը կարող է գալ միայն Արևմուտքից, որովհետև ներկա փուլում միայն Արևմուտքն է դիմակայության մեջ ռուս-թուրքական սիրաքստիկին և ի վիճակի է դիմակայել այդ մահաբեր ու հայասպան սիրախաղին:
Այս ամենով հանդերձ, փոխանակ շնորհակալ լինեն մարդկանց, որոնք անվտանգության, տնտեսական զարգացման ու ռազմական աջակցության այլընտրանքներ են որոնում ու ստեղծում՝ հաճախ էշ-էշ դուրս են տալիս»: