«Ստիպելը պոզով-պոչո՞վ է լինում». Սյուզան Սիմոնյան

Նախկին ՀԽ մամուլի խոսնակ Սյուզան Սիմոնյանը ֆեյսբուքյան իր էջում գրել է. ««Մենք չենք ստիպում, որ պատվաստվեք». սա էլ մի այլ խեղկատակի խոսք է։ Ուրեմն աշխատանքից ազատելը, կամ ամիսը 30. 000-ի թեստ հանձնելը, մարդուն օրվա հացից զրկելու, նրա երեխաներին սովի մատնելու սպառնալիքը ստիպել չէ։ Այսպես կարելի է մարդուն ինքնասպանության դրդել և ասել՝ չենք ստիպում, որ ինքնասպանվեք, դուք որոշեք, կամ կամուրջը, կամ էլ մյուս կամուրջը։ Սակայն ո՞րն է տարբերությունը, եթե երկուսն էլ ինքնասպանության կամուրջներ են, մեկը՝ առանց աշխատանք մնալու կամ ամիսը 30 հազար վճարելու, մյուսն էլ՝ փորձաքննության ճագար դառնալու։ Ստիպելը պոզով-պոչո՞վ է լինում:
Հ.Գ.Ասեմ, որ ես ռիսկային խմբում եմ, և ինձ պատվաստվել չի կարելի: Ես պարզապես հանրությանը հուզող հարց եմ բարձրացնում»: