Գնել Սանոսյանի արձագանքը՝ Հակոբ Ավետյանի հայտարարությանը

Օրեր առաջ, համայնքների խոշորացման ծրագրի դեմ բողոքի ակցիայի ժամանակ, Գեղամասար համայնքի ղեկավար Հակոբ Ավետյանը հայտնել էր հետևյալը. «Գնել Սանոսյանն ինձ ասել ա՝ դու դատվելու ես, համայնքն էլ ցրելու եմ»:

ԱԺ-ում՝ լրագրողների հետ ճեպազրույցում, Տարածքային կառավարման և ենթակառուցվածքների նախարար Սանոսյանն այսպես արձագանքեց բարձրացված հարցին. «Նման խոսակցություն եղել է 2019-ին, երբ ասել եմ՝ պարո՛ն Ավետյան, դուք՝ որպես համայնքի ղեկավար, այսքան մեծ քանակությամբ պարտքեր որ կուտակվել է ու չեք հավաքում, ունեք հետևյալ գործառույթը՝ կա՛մ պետք է պայմանագրերը խզեք, կա՛մ դիմեք ԴԱՀԿ, եթե դրանցից ոչ մեկը չանեք, կլինի անգործություն ու ձեզ կդատեն»:

Լրագրողի ուղիղ հարցին՝ հրաժարականի պահանջ հնչե՞լ է, Սանոսյանն ասաց. «Ո՛չ, ես խոսում եմ 2019-ի մասին, համայնքը ցրելու վերաբերյալ ոչ մի խոսք չի եղել»: