«Ֆրանսիան որևէ պարագայում մեր տարածաշրջան զորք չի ուղարկելու». Տիգրան Գրիգորյան

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Հարգելի՛ սիրելիներ, ո՛չ, եթե նույնիսկ Թուրքիայի մասնակցությունը չլիներ պատերազմում, մենք առաջ չէինք գնալու: Ո՛չ, Բաքվի շեհիդների նկարներով շքերթում Ադրբեջանի պաշտոնական զոհերի թվից ավել քայլող մարդ չկար: Ո՛չ, ինչ էլ անեինք, թալիշները չէին ապստամբելու: Ո՛չ, Արևմուտքում ոչ ոք մեզ հետ չի պատրաստվում ու չի էլ պատրաստվելու ռազմավարական դաշինք կնքել: Ո՛չ, Ֆրանսիան որևէ պարագայում մեր տարածաշրջան զորք չի ուղարկելու: Հերիք է այս ժողովրդին հեքիաթներով կերակրել»: