Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«ԿԸՀ-ն այս որոշումով կանաչ ճանապարհ է բացում ընտրական կեղծարարությունների համար». Դերենիկ Մալխասյան

«ԿԸՀ-ն այս որոշումով կանաչ ճանապարհ է բացում ընտրական կեղծարարությունների համար». Դերենիկ Մալխասյան
224
Չորեքշաբթի, 29 սեպտեմբերի, 2021 թ., 16:18

Քաղաքական մեկնաբան Դերենիկ Մալխասյանի գրառումը. «ԻՆՉՈ՞Ւ ԵՆ ԸՆՏՐԱՏԵՂԱՄԱՍԵՐԻՑ ՀԱՆՈՒՄ ՏԵՍԱԽՑԻԿՆԵՐԸ

Գյումրիում հոկտեմբերի 17-ին տեղի ունենալիք ավագանու ընտրությունների ժամանակ ընտրական տեղամասերում տեսախցիկներ չեն տեղադրվելու ու տեսանկարահանում չի իրականացվելու։ Այսպիսի որոշում է կայացրել ԿԸՀ-ն, որևէ պատճառ չի նշվում, թե տեսախցիկներն ինչին են խանգարելու:

Պատճառներից մեկը կարող է լինել, այն, որ ընտրությունների նկատմամբ խիստ ցածր հանրային հետաքրքրություն կա, քաղաքացիների մոտ մոտիվացիա չկա ընտրատեղամաս գնալու, հետևաբար կարող է գրանցվել խայտառակ ցածր մասնակցություն: Մյուս հնարավոր պատճառն այն է, որ իշխանական թեկնածուի համար հարմար տոկոսոներ խփեն, քանզի ակնհայտ ֆավորիտ չէ ու կարող են անակնկալի գալ ընտրությունների արդյունքներից:

Կարելի է ենթադրել, որ ԿԸՀ-ն այս որոշումով կանաչ ճանապարհ է բացում ընտրական կեղծարարությունների համար, որ ավելնորդ վկաներ չլինեն ու չֆիքսվեն հնարավոր կեղծիքները:

Խիստ ուշագրավ է այսպես կոչված քաղհասարակության կառույցների լռությունը, թե՛ տեղական, թե՛ հանրապետական մասշտաբով: Ձայն չեն հանում նաև դիտորտական առաքելություն իրականացնող կառույցները:

Այդ կառույցների լռությունն այլ կերպ քան իշխանության շահերի սպասարկում գնահատելը, խիստ դժվար է»:

Աղբյուրը`   Դերենիկ Մալխասյան