«Նայելով Փաշինյան Նիկոլի նկարին՝ հիշում եմ, որ մեզ անհրաժեշտ են ազնվությունն ու անաչառությունը»․ Կարեն Հեքիմյան

«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «Այսօր ՀՀ Արդարադատության նախարար Անդրեասյան Կարենն ասել է, որ նայելով Փաշինյան Նիկոլի նկարին, «հիշում է, որ պետք է լինել ազնիվ և անաչառ»:
Գիտե՞ք, որ ես էլ, նայելով Էլթոն Ջոնի նկարին հիշում եմ, որ պետք է լինել ավանդապահ: Երբ տեսնում եմ Չիչոլինայի նկարը, հիշում եմ բարոյականության մասին: Մտաբերելով Ստալինին, հիշում եմ Բիլ Քլինթոնին և Մոնիկա Լևինսկուն: Եվ, ի վերջո, մտածելով Հյուսիսային Կորեայի ապագայի մասին, ակամա մտաբերում եմ ԱՄՆ-ի ներկան: Դա տրամաբանական է, քանզի այս աշխարհում ամեն ինչ համեմատական է:
Ինչ վերաբերում է Փաշինյան Նիկոլին, ապա ես էլ նայելով վերջինիս նկարին, ակամա հիշում եմ, որ մեզ օդի և ջրի նման անհրաժեշտ են ազնվությունն ու անաչառությունը»: