«Ուժերի կոալիցիան, որի ջանքերով պատերազմն աղետալի արդյունք ունեցավ Արցախի, ՀՀ-ի համար, թիրախավորելու է Իրանը»․ Ա․ Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Ուժերի այն կոալիցիան, որի համատեղ ջանքերի արդյուքում 44-օրյա պատերազմը աղետալի արդյունք ունեցավ Արցախի, Հայաստանի Հանրապետության համար, այժմ թիրախավորելու է Իրանը: Նպատակը՝ Իրանի կղերապետական կառավարման համակարգի փլուզումն է: Չի բացառվում, որ կարող է ծրագրված լինել նաև ԻԻՀ հետագա տրոհում առանձին էթնիկ պետական կազմավորումների: Այդուհանդերձ, գտնում եմ, որ այդ ծրագիրը կնախընտրեն իրականացնել ոչ թե արտաքին ագրեսիայի, այլ Իրանը ներսից պայթեցնելու միջոցով: Այժմ այդ ներքին պայթյունի հասունացմանը նպաստող իրավիճակ ձևավորելու վրա են աշխատում: Իրանի գործող իշխանություններն իրենք են որոշելու, թե արդյոք պետք է պաշարված ամրոցի վերածեն երկիրը և սպասեն հարվածի, թե, ինչ-ինչ ուղղություններով բառիս բուն իմաստով նախահարձակ լինելով, փորձեն կանխել վերահաս կործանումը: Փորձը ցույց է տալիս, որ «պաշարված ամրոցի» մարտավարությունը սովորաբար արդյունվետ չի լինում, իսկ ներսում հինգերորդ շարասյան առկայության դեպքում՝ արդյունվետ չի լինում երբեք: Նախագահ Ալիևն՝ Ադրբեջանը Թեհրանի զայրույթը շարժող և ագրեսիվ գործողությունների դրդող խայծի դերն ընդունել է և ակտիվորեն ներգրավվել է կղերապետության դեմ նախաձեռնվող գործողություններին: Իրանն այժմ պետք է որոշի իր անելիքը»: