«Ըստ էության՝ Հայաստանը պաշտոնապես հայտնեց, որ պատրաստ է Թուրքիային և Ադրբեջանին տալ «միջանցք»»․ Վահան Բաբայան

Ռեֆորմիստների կուսակցության ղեկավար Վահան Բաբայանը գրել է. «Ըստ էության՝ Հայաստանը պաշտոնապես հայտնեց իր համաձայնության մասին, որ պատրաստ է Թուրքիային և Ադրբեջանին տալ «միջանցք»։
«Միջանցքներ» կամ ճանապարհներ հնարավոր է՝ բացվեն, որոնցից կօգտվեն Ադրբեջանն ու Թուրքիան, ասել է ԱԽ քարտուղարը և այստեղ մնում է հասկանալ՝ ո՞վ է վերահսկելու այդ ճանապարհը, ո՞ւմ զորքն է այդտեղ տեղակայվելու, մենք ունենալո՞ւ ենք մաքսակետ, թե ոչ և մեզ ի՞նչ են տալու, մեզ ի՞նչ ճանապարհ են տալու:
Չի բացառվում, որ սա ևս միակողմանի զիջում լինի կապիտուլյացիայի տրամաբանության շրջանակներում և մենք կրկին զիջենք մեր սուվերենությունից մի հատված ևս»: