«Դու քո ասածին հավատո՞ւմ ես». ընդդիմադիրները՝ ՔՊ-ական պատգամավորին

«Որևէ մեկի մտքով չի կարող անցնել ու միջազգային իրավունքում չկա որևէ օրինակ, որ մեր պետական Վարչատարածքային օրենքը հիմք հանդիսանա արտաքին սահմանների համար»,- ԱԺ-ում հայտարարեց ընդդիմադիր խմբակցության պատգամավոր Արծվիկ Մինասյանը՝ անդրադառնալով վիճահարույց հարցին: «Մեր ընդդիմադիր գործընկերները փորձում են արդարանալ, պաշտպանվել այն գործողության համար, որ արել են 10-11 տարի առաջ: Իսկ ի՞նչ են արել՝ իրենց ընդունած օրենքով. արձանագրել են, ուղերձ են հղել, որ Շուռնուխից այն կողմ Ադրբեջանի Հանրապետություն է»,- արձագանքեց ՔՊ-ական պատգամավոր Գևորգ Պապոյանը: Դահլիճից հնչեց՝ «դու քո ասածին հավատո՞ւմ ես» արտահայտությունը: «Այդ ժամանակվա օրենքն ընդունողներն ընդունել են, որ Քարվաճառը, Լաչինն իրենց համար Ադրբեջանի Հանրապետություն է»,- հավելեց Պապոյանը:

Հիշեցնենք՝ 2010 թվականին ընդունված Վարչատարածքային բաժանման մասին օրենքը վաղուց է դարձել քննարկման թեմա: Ընդդիմադիրների խոսքով՝ այդ օրենքը չի կարող լինել միջազգային իրավահարաբերությունների աղբյուր: