Դատարանը հետաձգեց Արմեն Գևորգյանի՝ անձեռնմխելիության ճանաչման հարցի քննությունը

«Պաշտպանության կողմը դատարան է ներկայացրել Արմեն Գևորգյանի՝ պատգամավորի անձեռնմխելիության հետ կապված միջնորդություններ։ Դատարանը քննարկել է միջնորդությունները և գտել, որ լուծում չի կարող տրվել՝ մինչև միջնորդության լուծման համար էական նշանակություն ունեցող հանգամանքների պարզումը»,- այսօր՝ Արմեն Գևորգյանի և Ռոբերտ Քոչարյանի դատական նիստի ժամանակ, հայտարարեց դատավոր Աննա Դանիբեկյանը՝ նշելով, որ միջնորդության լուծումը հետաձգվում է։

«Ինչ վերաբերում է Արմեն Գևորգյանի տեղաշարժմանը, ապա դատարանը կքննարկի Արմեն Գևորգյանի ՀՀ-ից մեկնելու հարցը՝ քննարկելով պաշտպանության կողմից ներկայացված համապատասխան նյութերը»,- հավելեց Դանիբեկյանը։

Հիշեցնենք, որ ավելի վաղ դատարանը մերժել էր Արմեն Գևորգյանի՝ ԵԽԽՎ նիստին մասնակցելու նպատակով երկրից մեկնելու համար դատարանին ներկայացրած թույլտվություն ստանալու միջնորդությունը։